Imtihon
oldi maslahatlar Imtihon, Diplom yoki Kurs ishi himoyasi qo'rquv bilan
birgalikda o'ta hayajonli bo'ladi. Undan oldin talabalarni xatto
tomog'idan ovqat ham o'tmaydi. Ammo shunga qaramay, shunday usullar
borki, ular imtihon oldi qo'rquv va hayajonni yo'qotishda ko'maklashadi.
Ular quyidagilar:
1. Avval imtihon savollariga tayyorligingizga ishonchingiz komil
bo'lsin, Referat, Kurs ishi, Diplom ishini yaxshilab o'qib chiqing va
yodlab oling. Ko'pchilik talabalar imtihonga to'liq tayyor emasligi
tufayli qo'rquv va hayajonga tushadi. Hatolar bo'lsa ko'zdan kechirib,
ularni to'g'irlang.
2. Endi asosiy mashqlarga ham o'tsak bo'ladi. Ko'zgu oldiga borib,
o'zingizga qaragan holda gapirishingiz kerak bo'lgan narsalarni gapirib,
tayyorgarlik ko'ring. Bu mashqda ko'zgu ortidagi o'zingizni
ko'zlaringizga qarab gapiring. Bu juda hayajonli, ammo sizdagi hayajonni
yo'q bo'lishida yordam beradi.
3. Telefoningizni diktafoni yordamida o'z ovozingizni yozib oling va
qayta- qayta eshiting. Bu mashq bilan imtihon oldi qo'rquvni yo'q qilgan
bo'lasiz. Tasmani qayta eshiting va yana yangisii yozing, ikkalasini
solishtirib, o'zingizdagi o'zgarishlardan quvoning.
4. Imtihondan bir kun oldin to'yib uxlang, tiniqib dam oling. To'yib
uxlamaslik miyaning faoliyatini yaxshi ishlamasligiga olib keladi.
O'qigan narsalaringiz ham yodingizdan ko'tariladi, fikrlar xiralashadi.
5. Imtihon oldi relaksatsiya ya'ni tanani bo'shashtirish mashqini
bajaring. "Men tinchman, judayam hotirjamman.” kabi miyangizga
buyruqlar bering va o'zingizni tinchlantiring. 6. Yuqoridagi mashqlar
ham yordam bera olmasa, tinchlantiruvchi dori ichib oling. Ha aytgancha,
imtihon kunlari va imtihon oldidan zinhor odatdagidan ko'p kofe yoki
choy icha ko'rmang, hammasi me'yorida bo'lsin.
|