Британиялик аёл қизига ўхшаш учун 57 минг доллар сарфлади

Буюк Британиянинг Бернли шаҳрида истиқомат қилувчи 57 ёшли Жанет Хоррокс қизига икки томчи сувдек ўхшаш бўлиши учун 40 минг фунт (57 минг доллар) сарфлади. Бу ҳақда "Вести” нашри хабар бермоқда.

Аёл кутган натижага эришди: Эндиликда улар қизи Жейн билан сайрга чиққанида, кўпчилик уларни опа-сингил деб ўйлаяпти.

Бундай натижага эришиш Жанетга 57 минг долларга тушди. У биргина соч ўстириш ва қадди-қоматни тартибга келтириш учун 15 минг фунт сарфлади. Бундан ташқари, Жанет бир нечта мураккаб ва қиммат жарроҳлик амалиётлари, муолажалар(ботокс)ни бошдан кечирди.

Жанет қизининг отаси билан бундан бир неча йил илгари ажрашиб кетган. 

"Онам менга ўхшамоқчи эканлигини эшитиб, қўрқиб кетдим. Мен бора-бора ундан қарироқ кўрина бошлашим ҳақида ўйлай бошладим. Аммо бу вақтинчалик ҳолат эди. Мен кўникдим. Ахир, у менинг онам”—дейди Жанетнинг қизи Жейн.

35 ёшли Жейннинг ҳозирда уч нафар фарзанди бор. У пластик жарроҳлик амалиётларига қарши эканлигини билдирган.

"Мен ҳамма қатори қаришни истайман ва ҳеч қачон пластик жарроҳга мурожаат қилмайман”,—дейди Жейн.

"Аввалига онамнинг менга ўхшаш истаги учун шунча пул сарфлаш жинниликдек туюлди. Кейинроқ эса ўйлаб қолдим: Агарда бу уни бахтли қилса, майли шундай бўла қолсин”, – қўшимча қилди у.