Республика жарроҳлик ангионеврология ихтисослаштирилган марказида мия қон-томир етишмовчилиги касалликларини даволашнинг замонавий усуллари жорий этилади.

Мазкур тиббиёт муассасаси ангионеврология соҳасида мувофиқлаштирувчи марказ бўлади. Бу ерда уйқу ва юрак-қон томирлари артериялари шикастланган беморлар даволанади.

Марказ малакали ангионевролог мутахассисларни тайёрлаш ва уларнинг малакасини ошириш ишларини мувофиқлаштириш, ҳудудий тиббиёт муассасаларида маҳорат дарслари ҳамда кўргазмали операциялар, таълим берувчи маърузалар ва семинарлар ташкил этиш билан ҳам шуғулланади.

Тиббиёт муассаси сурункали мия қон-томир етишмовчилиги касаллигига чалиниш билан боғлиқ ҳолатларни доимий равишда таҳлил қилиб, Ўзбекистонда инсульт касаллиги миллий регистрини шакллантиради.